من شواطي جنوبنا//بقلم: الشاعر الدكتور رفيق عزبا/لبنان

من شواطي جنوبنا الحامي الحدود
لجبل عامل والروابي والجرود
وإقليم للتفاح ثابت بالوجود
مرقو الرسل والانبياء وأهل الخلود
والعبقرية والشعر والمرجلي
عا تراب زين شعيب بشَتي وروددr

منبع الشعار ورجال الادب
ودواوين الشعر يللي بتنكتب
من دون نسيم جنوبنا ما بتنحسب
ولما علي داوود ترحيني كتب
ديوان شعرو تعلق بقرص السما
و مرصع بالماس وحروفو ذهب

رنة حروفو لَ خلف سبع بحور
وصلت لعندي مع خيوط النور
والقوافي تمرجحو بغنج وحبور
و بيناتنا كان الحوار يدور
صبح ومسا وبعتمة. الديجور
عبر الأثير نعمر بيوت الزَجَل
حتى الزَجَل بالكايني عمر قصور

يا جنوبنا فيك الاصاله من القِدَم
يا مقلع الأبطال ورجال القَلَم
شعار فيك تكرَمو بدنيا الخلود
وشعار بعدن فيك عَم يبنو قِمَم

وكل ما كتب شاعر ديوان بيعتلي
عا صهوه حصان الزجل والمرجلي
بحس زين شعيب من دار الخلود
تقمص وراجع منبرو يغلي غلي
والشعر يبقى بالوحي يغلي غلي

الشاعر علي داوود ترحيني جنى
من وحي الجنوب إشعار وغنى
وصنف الإلهام في اجمل ديوان
رغم العواصف ضَل واقف ما نحنى

من كل حدب صةوب طلو يكرموك
اهل الادب والشعر و اللي بيعرفوك
حتى من المهجر شعارنا هنوك
ومن غربتي ما قدرت احضر يا علي
نشالله بدوان جديد قوم بواجبي
بتستاهل التكريم عا قدر الملوك
———-

عبا ، قضاء النبطيه ، في -٢٩-٦-٢٠١٧