جرح العذاب
********بقلم : /// الشاعر ع
ادل بدور
حامل سنينو عا كتافو كتار
ختيارضهروو من التعب حاني
كتلة عتيقةة بآخر المشوار
تاكي عاا شلح من السنديانة
قلت ياا شيخ يسعدلي صباحك
كيفك كيفف ها الهمّة المهمّة
قللي العمرر ها الكلل نجاحك
راح وما تركلي شوي همّة
انا بالعمر من عمر الخوابي
بغرفة خْلْقت شفْت العزّ كلّو
ما عِنّا غيرها فوق الروابي
باٰرض بستانها مزهّر بفلّو
رضْعت من صدر امي حب صافي
كبْرت ببيت بالخيرات عامر
جَنَى زيتوننا والكرم كافي
وحنان البي كان البيت غامر
طفل ب فيّة الجوزات العب
بحاكورة بيتنا تفتّح صبايي
عرْفت الجرد كلو متل ملعب
ما عندو لا حدود ولا نهايي
وكان القبو محتلّ نصّ البيت
ميلي مليحة وميل خرباني
كوارة المونة حدّ خابي الزيت
نصرف سنة وتضل ملياني
ونحنا يا ابني ناس فلاّحين
نحب الاٰرض والاٰرض تعشقنا
هيي كريمة وعا شقانا تلين
وبمواسم الخيرات تسبقنا
وهلق انا بقللك ياشب مليح
الصحة مليحة بعكس حالتنا
بعيني في دمعة ما سرقها الريح
تبكي اللي نغّص قلب عيشتنا
ساٰلتو الي فقدتو مين هوّي
وليشك منحني فوق الكآبة
ولمحت العين عم تدمع بقوّة
بحسرة تنهّد وقللي شبابي
بعيني الكون صفّى متل هوّه
غميقة وكل ما فيها ترابي
جرحني واحترمتو شو بسوّي
بعذابو عا شبابو الضاع منّو
وجوابو ال فيّق الجرح بعذابي
عادل بدّور
About The Author
إرسال التعليق